Kompania e transportit publik Shkupi është sistem i organizuar dhe transportuesi më i madh i udhëtarëve në kryeqytetin e Republikës së Maqedonisë së Veriut, me veprimtari të përcaktuar qartë me interes të veçantë shoqëror.

NQP SHKUP është përgjegjëse për transportin e udhëtarëve në komunikacionin publik të qytetit dhe periferisë në zonën e qytetit të Shkupit.

Në bazë të vendimit të Këshillit Popullor Ekzekutiv të Qytetit të Shkupit nga viti 1947, më 17 janar 1948, u themelua Ndërmarrja e trafikut të autobusëve të qytetit.

Me vendim të Kuvendit të Qytetit të Shkupit nga viti 1989, Organizata punuese për komunikacionin e qytetit “Shkupi” u shndërrua në NDËRMARRJE TË TRANSPORTIT PUBLIK SHKUP. Sipas nenit 10, pozita 4, paragrafi 10, të Ligjit për Qytetin e Shkupit, rregullimi dhe organizimi i transportit publik të udhëtarëve urban dhe periferik, si sistem i vetëm i transportit në qytet, është nën juridiksionin e Qytetit të Shkupit.